Тогтворжсон самбарт “Гишүүнчлэлийн журам”-аар тогтоосон шалгуур, шаардлагыг хангасан, бизнесийн үйл ажиллагаа нь тогтворжиж, санхүүгийн болон засаглал, тайлагналын хувьд бэхэжсэн үнэт цаас гаргагч компанийг бүртгэнэ.

Инновацийн самбарт “Гишүүнчлэлийн журам”-аар тогтоосон шалгуур, шаардлагыг хангасан, цаашид бизнесийн өсөлтөө дэмжих зорилгоор тодорхой төсөл, хөтөлбөрийг олон нийтэд хувьцаа гаргах замаар санхүүжүүлэх зорилготой санхүүгийн болон засаглал, тайлагналын тодорхой шаардлагуудыг хангасан үнэт цаас гаргагч компанийг бүртгэнэ.

Өсөлтийн самбарт бүртгэлтэй үнэт цаас гаргагч компани нь жижиг дунд үйлдвэрлэл эрхлэгч, гарааны бизнес эрхлэгч, шинэ төсөл хэрэгжүүлэгч компани байна. Тухайн компанийн хувьцааг хаалттай хүрээнд мэргэжлийн хөрөнгө оруулагч, компаниудад санал болгон худалдаалж, шаардлагатай санхүүжилтийг татан төвлөрүүлэх замаар тэдгээр компанийг чадавхжуулж, бусад самбарын бүртгэлийн шалгуурыг хангуулахад чиглэгдсэн үйл ажиллагаа юм.