Их эзэн Чингис хаанаараа овоглосон манай байгууллага нь Монгол Улсын хөрөнгийн зах зээлд “Үнэт цаасны арилжаа эрхлэх” тусгай зөвшөөрөл бүхий гурав дахь хөрөнгийн биржээр бүртгэгдэн үйл ажиллагаагаа эхлүүлээд байна. 2023 оны 2-р улирлын байдлаар Монгол Улсын хөрөнгийн зах зээлийн үнэлгээ 11 их наяд төгрөгт хүрч дотоодын нийт бүтээгдэхүүнд эзлэх хэмжээ 21,2 хувь, арилжааны эргэлт 2,4 хувьтай байгаа нь хөрөнгийн захыг өргөжүүлэн хөгжүүлэх асар их нөөц боломж, эрэлт хэрэгцээ байгааг илтгэж байна.

   Иймд хөрөнгийн захын онцлог, давуу талуудыг ашиглан баялаг бүтээгч үндэсний компаниудыг хямд өртөг бүхий урт хугацаат санхүүгийн эх үүсвэрээр дэмжих, олон улсын стандарт, засаглалын шилдэг туршлагуудыг нэвтрүүлэх замаар иргэдийн сайн сайхан амьдрал, ирээдүйн хөгжил дэвшил, улс орны эдийн засгийн өсөлтөд бодит хувь нэмрээ оруулах нь манай компанийн үндсэн философи, баримтлах эрхэм зорилго юм. Чингис хаан хөрөнгийн бирж нь энэхүү эрхэм зорилгоо хэрэгжүүлэхийн төлөө нэр хүнд, мэдлэг туршлага, ёс зүй, итгэл үнэмшлээрээ нэгдсэн, эх орныхоо хойч ирээдүйг залгамжлан авч явах шинэ үеийн залуус болон салбартаа нэр хүндтэй, туршлагатай зөвлөх, инфльюнсерүүдээр баг хамт олноо бүрдүүлэн ажиллаж байна.

   Бид хөрөнгийн зах зээлд оролцогч бүх талуудад орчин үеийн технологи, инновацыг ашигласан шинэлэг шийдлүүдийг илүү хурдан, хялбар, хямдаар санал болгон хөрөнгө оруулалтын таатай орчин, урт хугацааны тогтвортой үнэ цэнийг хамтран бүтээж, бодит үр дүнд хүрэх болно. Хөрөнгийн зах зах зээлийг сонирхон судалдаг оюутан залуус, хамтдаа хөгжих мэргэжлийн оролцогчид, зөвлөгөө мэдээлэл хүсэж буй иргэд хөрөнгө оруулагч, бизнесийн байгууллага буюу манай ирээдүйн үнэт цаас гаргагч та бүхэнтэй хамтран ажиллахад манай үүд хаалга ҮРГЭЛЖ нээлттэй болохыг энэхүү мэндчилгээгээр дамжуулан хүргэж байгаадаа таатай байна. Та бүхэнд эрүүл энх, сайн сайхан, ажлын өндөр их амжилтыг хүсэн ерөөе.

Г.Дашзэвгэ